Bèr Born
Rijks:
1954-
Boérebroélof vruuger.
Als jonge blaage ginge weej met de Boérebroélof mei,
en weej zaote dan op unne gooije wei!
Waare s’morges vruug al nao de Veiling gegaon,
want um elluf oòr môste weej al klaor staon.
De jonge altièd als boér verkleid,
de maedjes in ’n pekske, door mam geneid.
Tegeswuurdig geit alles vuùl sjieker,
Want de portemonnee is flink dièker!
En dan ginge weej nao ôs geweldige stadhoès,
Offisjeel, waas de Börgermeister dae daag neet toès.
Hae speulde amtenaar van de börgerlikke stand,
dao kwaam ut Broèdspaar al aan, hand in hand.
Woorte in ut onech verbonde door jaorelange tradities,
en allemaol door de vaste ceremonies.
Daornao maakte weej lol en plezeer,
Toen nog zonder ein glaeske beer.
Al hossend trôkke weej door de stad,
soms woort ter un kôsmuulke gejat.
Toen naor ’t Cafetaria beej de Filmac
en veur de honger ’n vette friet met knak!
En veur de dors ’n fleske prik,
haevan kreeg se dôk de hik.
Doëdmeuch ginge weej naor hoès den daag,
Waas auk erg wièd laupe, veur zonne jonge blaag.
Baer de Wandelaer
-
